Me marrjen edhe te Ilion Likes skuadra shkodrane duket se i ka dhene fund perforcimeve te saj ne merkaton e dimrit. Jane plot 6 lojtare te ardhur te cilet konsiderohen cilesore dhe per kete arsye stafi drejtues ndjehet shume i kenaqur me afrimin e tyre. Kraja, Belisha, Leci, Haxhibuliç, Feniks dhe Lika, jane emrat e atyre qe kane ardhur. Po kaq, ne mos me shume jane te larguarit por kur ke parasysh se shume prej tyre nuk kane dhene asgje per Vllaznine, ikja e tyre nuk quhet ndonje mekat i madh. Ka nisur gradualisht puna per rikonstruksionin e skuadres dhe ne pamje te pare te gjithe e kishin te qarte se gjerat nuk do ishin kaq te lehta sa çfare dolen. Kjo ngaqe ne kampin shkodran askush nuk e kishte menduar se Kraja e Belisha do arrin te merrnin letrat nga Skenderbeu dhe Flamurtari. Vete trajneri Martini e ka konsideruar fat prishjen e marredhenieve te Haxhibuliç me Apolonine dhe po ashtu trajneri i portiereve Dani e konsideron fat edhe ardhjen e portierit Lika. Pa lene menjane ketu edhe Lecin dhe anglezin Feniks qe vleresohen se tepermi per lojen e tyre. ne kete kontekst, ne kampin kuqeblu nuk ka me asnje “pishman” per merkaton. Te gjithe duken te kenaqur me levizjet e bera. Deri dy dite me pare ka patur disa dilema per porten por edhe ky merak i drejtuesve te klubit mori fund me marrjen e portierit te njohur Lika. Tashme te gjithe repartet duken te kompletuar. Duke filluar nga porta ku ka dy emra te njohur te gatshem per ta ruajtur ate sepse perveç sapo te ardhurit eshte edhe Grima. Ne mbrojtje nderkohe ka rivalitet aq me teper kur perveç atyre qe mendohen si titullare, ne pankine do jene edhe emra te tille si Mrvaljeviç, Osja, Sykaj e Doçi. Ne mesfushe nderkohe jane Alikaj, Nika, Vajushi e Hasani ndersa ne sulm nje vend mund te jete edhe per ganezin Nafiu qe ka ardhur ne prove. Pa harruar qe ne ditet ne vazhdim mund te kete edhe ndonje levizje te fundit nga ana e presidences se klubit. Merkatoja e Vllaznise ne kete janar te ftohte konsiderohet nga te gjithe si e suksesshme. Te pakten nisur nga emrat dhe menyra si kane levizur gjerat. Per te tjerat pastaj mbetet per t’u pare se çfare paraqitje do kete skuadra. Prova e pare per kete do jete ne Peqin, ne nje fushe shume te veshtire porn e Shkoder kane besim se mund t’ia dalin. Duke nisur nga trajneri Martini dhe duke perfunduar tek futbollisti i fundit. Te gjithe jane te vetedijshem se prej tyre pritet shume dhe prandaj jane pergatitur per te bere me te mire ne kete ndeshje